ក្រុមកីឡាអេឡិចត្រូនិកកម្ពុជា CFU Gaming បានឈ្នះជើងឯកលីគ MPL-KH ររដូវកាលទី៧ ឆ្នាំ២០២៤ បន្ទាប់ពីបានយកឈ្នះក្រុម Galaxy Legends ដោយលទ្ធផល ៤-២ នៅវគ្គផ្តាច់ព្រ័ត្រ កាលពីល្ងាចថ្ងៃអាទិត្យ ទី២០ ខែតុលា ឆ្នាំ២០២៤។
មុនពេលឈានដល់គ្រងជើងឯក CFU Gaming ធ្វើបានយ៉ាងល្អទាំងវគ្គវិលជុំសន្សំពិន្ទុ និងវគ្គខ្វែង។ នៅវគ្គវិលជុំសន្សំពិន្ទុ ពួកគេរកបាន១៨ពិន្ទុពីការប្រកួត៧លើកគឺឈ្នះ៦ និងចាញ់១ ដែលផ្តល់ឲ្យពួកគេឈរលើកំពូលតារាងឡើងទៅវគ្គខ្វែង។
នៅវគ្គខ្វែង CFU Gaming បានយកឈ្នះក្រុមខ្លាំង See You Soon ដោយលទ្ធផល ៣-១ ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រ (Upper Braket) ដែលជាវគ្គពួកគេបានយកឈ្នះក្រុម Galaxy Legends ដោយលទ្ធផល ៣-២ ដើម្បីឡើងទៅវគ្គផ្តាច់ព្រ័ត្រ។
និយាយពីក្រុម Galaxy Legends បន្ទាប់ពីចាញ់ CFU Gaming ពួកគេបានធ្លាក់ទៅកម្រិត Lower Braket ហើយពួកគេធ្វើបានល្អនៅវគ្គនេះដោយយកឈ្នះក្រុម PRO Esports ដោយលទ្ធផល ៣-១ ដើម្បីឡើងទៅកាន់វគ្គផ្តាច់ព្រ័ត្រ ជួប CFU Gaming ជាថ្មី។ ទោះបីជាយ៉ាងណា ពួកគេមិនអាចសងសឹកបានឡើយដោយចាញ់ CFU Gaming នៅវគ្គផ្តាច់ព្រ័ត្រដោយលទ្ធផល ៤-២ ដូច្នេះ CFU Gaming បានជាជើងឯក ខណៈ Galaxy Legends បានត្រឹមជើងឯករង។
សម្រាប់ការក្លាយជាម្ចាស់ជើងឯក MPL-KH រដូវកាលទី៧នេះ ក្រុម CFU Gaming ទទួលបានកៅអីទៅចូលរួមប្រកួតជើងឯកពិភពលោក The M6 World Championship ដែលប្រទេសម៉ាឡេស៊ីធ្វើជាម្ចាស់ផ្ទះនៅខែវិច្ឆិកា ឆ្នាំ២០២៤។
ការប្រកួតវគ្គផ្តាច់ព្រ័ត្រ និងប្រគល់ពានរង្វាន់ដោយក្រោមអធិបតីភាពឯកឧត្តម លន់ សាមឌី អគ្គលេខាធិការសហព័ន្ធកីឡាអេឡិចត្រូនិកកម្ពុជា តំណាងឯកឧត្តម ជា ច័ន្ទបរិបូណ៌ ប្រធានសហព័ន្ធកីឡាអេឡិចត្រូនិកកម្ពុជា៕
ឯកឧត្តមបណ្ឌិត ជា ច័ន្ទបរិបូរណ៍ ប្រធានសហព័ន្ធកីឡាអេឡិចត្រូនិកកម្ពុជា និងគណៈកម្មការរប្រតិបត្តិបានរៀបចំកិច្ចប្រជុំជាមួយក្រុមការងារ
រាជធានីភ្នំពេញ ថ្ងៃទីសុក្រ ទី១១ ខែកក្កដា ឆ្នាំ២០២៥ សហព័ន្ធកីឡាអេឡិចត្រូនិកកម្ពុជា សមាគមវប្បធម៌ចិន និងក្រុមហ៊ុន អេជី ថេកណូឡូជី អ៊ិនវេសមិន ឯ.ក
ពិធីចុះអនុស្សរណៈនៃការយោគយល់គ្នារវាង អាជ្ញាធរជាតិប្រយុទ្ធប្រឆាំងគ្រឿងញៀន និងសហព័ន្ធកីឡាអេឡិចត្រូនិកកម្ពុជា
ពិធីចុះអនុស្សរណៈនៃការយោគយល់គ្នារវាង អាជ្ញាធរជាតិប្រយុទ្ធប្រឆាំងគ្រឿងញៀន និងសហព័ន្ធកីឡាអេឡិចត្រូនិកកម្ពុជា
