ការ​ប្រកួត​​កីឡា​អេឡិចត្រូនិក​ជើង​ឯក MPL KH រដូវ​កាល​ទី​៦​បាន​បញ្ចប់​ដោយ​ជើង​ឯក​បាន​ទៅ​ក្រុម​ ​ See You Soon បន្ទាប់​ពី​បាន​យក​ឈ្នះ​ក្រុម D-Roar Legends ដោយ​លទ្ធផល ៤-២ ក្នុង​វគ្គ​ផ្តាច់​ព្រ័ត្រ MPL KH រដូវ​កាល​ទី​៦ កាល​ពី​រសៀល ថ្ងៃ​ទី​១៩ ខែ​ឧសភា ឆ្នាំ​២០២៤។ នេះ​ជា​ការ​ឈ្នះ​ជើង​ឯក MPL KH លើក​ទី​៣ សម្រាប់​ក្រុម​ខ្លាំង See You Soon បន្ទាប់​ពី​ពួក​គេ​ធ្លាប់​ឈ្នះ​លើក​ទី១​កាល​ពី​ឆ្នាំ​២០២១ ​ជា​រដូវ​កាល​ដំបូង និង​​លើក​ទី​២ ឆ្នាំ​២០២៣ ​​ជា​​រដូវ​កាល​ទី​៥ ដែល​ពួក​គេ​ការពារ​តំណែង​ជើង​ឯកឆ្នាំ​ចាស់​បាន​ជោគជ័យ។ ក្នុង​នាម​ជា​ជើង​ឯក ក្រុម See You Soon ទទួល​បាន​កៅអី​ទៅ​ចូល​រួម​ប្រកួត​​ពានរង្វាន់អន្តរជាតិ MLBB Mid Season Cup (MSC) នៅប្រទេសអារ៉ាប៊ីសាអ៊ូឌីត៕