ថ្ងៃនេះក្រុមអ្នកចម្បាំងអង្គរប៉ះទីម័រខាងកើត និងថៃ វគ្គជម្រុះតំបន់អាស៊ី

2024 24-06-24 bopha

ក្រុមអត្តពលិកអេឡិចត្រូនិកអ្នកចម្បាំងអង្គរ (Angkor Warrior) តំណាងដោយក្រុមកីឡាករ See You Soon សម្រាប់វិញ្ញាសា Mobile Legends: Bang Bang បន្តប៉ះបន្តប៉ះក្រុមជម្រើសជាតិទីម័រខាងកើត និងថៃ វគ្គសន្សំពិន្ទុក្នុងពូល A សម្រាប់យុទ្ធនាការជម្រុះ ជម្រុះតំបន់អាស៊ី-អូសេអានីដើម្បីស្វែងរកកៅអីទៅកាន់ការប្រកួត កីឡាអេឡិចត្រូនិកពិភពលោក លើកទី១៦ ឆ្នាំ២០២៤ (IESF –16th World Esport Championship 2024) នៅរាជធានីរីយ៉ាត ប្រទេសអារ៉ាប៊ីសាអ៊ូឌីត។

ក្រុមកម្ពុជាស្ថិតនៅពូល A ជាមួយ មីយ៉ាន់ម៉ា ព្រុយណេ ទីម័រខាងកើត និង ថៃ ខណៈពូល Bមាន ម៉ាឡេស៊ី វៀតណាម ឥណ្ឌូណេស៊ី និង ឡាវ។

ការប្រកួតសន្សំពិន្ទុលើកទី១ ក្រុមកម្ពុជាបានចាញ់ មីយ៉ាន់ម៉ា ដោយលទ្ធផល ១-២ ប៉ុន្តែការប្រកួតលើកទី២បានយកឈ្នះលើក្រុមព្រុយណេដោយលទ្ធផល ២-០។

ការប្រកួតសន្សំពិន្ទុលើកទី៣ កម្ពុជា ត្រូវប៉ះ ទីម័រខាងកើត វេលាម៉ោង៣រសៀលថ្ងៃទី២៤ ខែមុថុនា និងបន្តថៃ វេលាម៉ោង៥ល្ងាច ថ្ងៃដដែល។

តំបន់អាស៊ី-អូសេអានី ទទួលបាន៧កៅអីឡើងទៅជុំផ្តាច់ព្រ័ត្រទីក្រុងរីយ៉ាដសម្រាប់ក្រុមបុរស។ ក្នុងនោះ តំបន់អាស៊ីកណ្តាល១កៅអី អាស៊ីខាងកើត១កៅអី អូសេអានី១កៅ អាស៊ីអាគ្នេយ៍២កៅអី អាស៊ីខាងត្បូង១កៅអី និងអាស៊ីខាងលិច១កៅ។

សម្រាប់តំបន់អាស៊ីអាគ្នេយ៍ បន្ទាប់ពីចប់វគ្គសន្សំពិន្ទុក្នុងពូល ក្រុមលេខ១ក្នុងពូល A ប៉ះ ក្រុមលេខ២ក្នុងពូល B ហើយក្រុមលេខ២ក្នុងពូល A ប៉ះ ក្រុមលេខ១ក្នុងពូល B ក្នុងវគ្គពាក់កណ្តាលផ្តាច់ព្រ័ត្រ។ ក្រុមឈ្នះទាំងពីរគឺជាក្រុមទទួលបានកៅអីធ្វើដំណើរទៅប្រទេសអារ៉ាប៊ីសាអ៊ូឌីត ប៉ុន្តែក្រុមទាំងពីរត្រូវប្រកួតវគ្គផ្តាច់ព្រ័ត្រដើម្បីបង្ក្រប់កិច្ច។

ការប្រកួតជម្រុះធ្វើតែ Online ប៉ុណ្ណោះ ដូច្នេះមានន័យថា ក្រុមទទួលបានជោគជ័យនឹងធ្វើដំណើរទៅប្រទេសអារ៉ាប៊ីសាអ៊ូឌីត៕

លទ្ធផលរបស់ក្រុមកម្ពុជា