ក្រុមអ្នកចម្បាំងអង្គរឡើងវគ្គពាក់កណ្តាលផ្តាច់ព្រ័ត្រ ប៉ះ ម៉ាឡេស៊ី វគ្គជម្រុះតំបន់អាស៊ី

លទ្ធផលប្រកួត 24-06-24 bopha

ក្រុមអត្តពលិកអេឡិចត្រូនិកអ្នកចម្បាំងអង្គរ (Angkor Warrior) តំណាងដោយក្រុមកីឡាករ See You Soon សម្រាប់វិញ្ញាសា Mobile Legends: Bang Bang បានឡើងទៅកាន់វគ្គពាក់កណ្តាលផ្តាច់ព្រ័ត្រជួបក្រុមជម្រើសជាតិម៉ាឡេស៊ី បន្ទាប់ពីចប់ការប្រកួតវគ្គសន្សំពិន្ទុ។

ក្នុងយុទ្ធនាការជម្រុះតំបន់អាស៊ី-អូសេអានីដើម្បីស្វែងរកកៅអីទៅកាន់ការប្រកួត កីឡាអេឡិចត្រូនិកពិភពលោក លើកទី១៦ ឆ្នាំ២០២៤ (IESF –16th World Esport Championship 2024) នៅប្រទេសអារ៉ាប៊ីសាអ៊ូឌីត ក្រុមអ្នកចម្បាំងអង្គរបានចាញ់ មីយ៉ាន់ម៉ា ១-២ ប៉ុន្តែ៣ប្រកួតចុងក្រោយវគ្គសន្សំពិន្ទុក្នុងពូល កម្ពុជាបានយកឈ្នះ ព្រុយណេ ២-០, ឈ្នះទីម័រខាងកើត ២-០ និងឈ្នះ ថៃ ២-០។ ដូច្នេះកម្ពុជាឈ្នះ៣ប្រកួត និងចាញ់១ប្រកួត រកបាន៩ពិន្ទុ ស្ថិតនៅលេខ២ក្នុងតារាងពិន្ទុពូល A។

ចំណែក ក្រុមជម្រើសជាតិមីយ៉ាន់ម៉ា ឆ្លងកាត់៤ប្រកួត ឈ្នះទាំង៤ប្រកួត រកបាន១២ពិន្ទុ ឈរនៅចំណាត់ថ្នាក់លេខ១ក្នុងពូល A។

ក្រុមជម្រើសជាតិកម្ពុជា និង មីយ៉ាន់ម៉ា បានឡើងទៅកាន់វគ្គពាក់កណ្តាលផ្តាច់ព្រ័ត្រដូចគ្នា ដែលក្រុមមីយ៉ាន់ម៉ា ប៉ះក្រុមលេខ២ក្នុងពូល B គឺ ឥណ្ឌូណេស៊ី ខណៈកម្ពុជាប៉ះក្រុមលេខ១ក្នុងពូលB គឺក្រុមជម្រើសជាតិម៉ាឡេស៊ី។

ការប្រកួតវគ្គពាក់កណ្តាលផ្តាច់ព្រ័ត្រ ថ្ងៃទី២៥ ខែមិថុនា ឆ្នាំ២០២៤ ចាប់ពីវេលាម៉ោង៥ល្ងាច។

លផ្តាច់ព្រ័ត្រ។ ក្រុមឈ្នះទាំងពីរគឺជាក្រុមទទួលបានកៅអីធ្វើដំណើរទៅប្រទេសអារ៉ាប៊ីសាអ៊ូឌីត ប៉ុន្តែក្រុមទាំងពីរត្រូវប្រកួតវគ្គផ្តាច់ព្រ័ត្រដើម្បីបង្ក្រប់កិច្ច។