ការប្រកួតកីឡាអេឡិចត្រូនិកថ្នាក់ជាតិលើវិញ្ញាសា E-Football បានឈានដល់វគ្គផ្តាច់ព្រ័ត្រវេលាម៉ោង៦ល្ងាច ថ្ងៃទី១៣ ខែឧសភា ឆ្នាំ២០២៤នេះហើយជាការប៉ះគ្នារវាងកីឡាករ ស្រ៊ុន លីលី និងកីឡាករ ធីម វង់រ៉ាវុធ។
កីឡាករដែលទទួលបានចំណាត់ថ្នាក់លេខ១តំណាងកម្ពុជាទទួលបានកៅអីដោយស្វ័យប្រវត្តិឡើងទៅប្រកួតជើងឯកពិភពលោក IESF World Esports Championship ជុំជ្តាច់ព្រ័ត្រឆ្នាំ២០២៤ នៅរាជធានីរីយ៉ាដ ព្រះរាជាណាចក្រអារ៉ាប៊ីសាអ៊ូឌីត។
សូមបញ្ជាក់ថា E-Football ដែលបានបើកចុះឈ្មោះចូលរួមប្រកួតនៅថ្ងៃទី៣ ដល់ទី៩ ខែឧសភា មានកីឡាករបានចុះឈ្មោះចំនួន៤៨រូប។ បន្ទាប់ពីការប្រកួតចាប់តាំងពីថ្ងៃទី១១ ខែឧសភាមក ទីបំផុតរកឃើញបេក្ខភាព២រូបដែលធ្វើបានល្អជាងគេរហូតបានឡើងដល់វគ្គផ្តាច់ព្រ័ត្រ។
សហព័ន្ធកីឡាអេឡិចត្រូនិកកម្ពុជា (EFC) កំពុងរៀបចំការប្រកួតជើងឯកថ្នាក់ជាតិ៥វិញ្ញាសាគឺ E-Football, PUBG (Mobile), Dota 2, MLBB (បុរស) និង MLBB (នារី) ដើម្បីស្វែងរកក្រុមជើងឯកតំណាងកម្ពុជាឆ្ពោះទៅការប្រកួតជម្រុះតំបន់អាស៊ីដើម្បីស្វែងរកកៅអីជើងឯកពិភពលោក IESF World Esports Championship លើកទី១៦ ចាប់ពីថ្ងៃទី១១ ដល់ទី១៩ ខែវិច្ឆិកា ឆ្នាំ២០២៤ ដែលមាន៧វិញ្ញាសា នៅរាជធានី រីយ៉ាដ ព្រះរាជាណាចក្រអារ៉ាប៊ីសាអ៊ូឌីត៕
ក្រុមកីឡាអេឡិចត្រូនិកកម្ពុជា អ្នកចម្បាំងអង្គរ (Angkor Warriors) ទទួលបានចំណាត់ថ្នាក់លេខ ១ សម្រាប់ការប្រកួតជើងឯកពិភពលោក
សហព័ន្ធកីឡាអេឡិចត្រូនិកកម្ពុជា (EFC) បានរៀបចំព្រឹត្តិការណ៍កីឡាអេឡិចត្រូនិកប្រចាំតំបន់អាស៊ីអាគ្នេហ៍ជាលើកដំបូង
ព្រឹត្តិការណ៍ប្រកួតកីឡាអេឡិចត្រូនិកជើងឯកពិភពលោក លើកទី១៦ (IESF – 16th World Esports Championship 2024) វិញ្ញាសា
សេចក្តីប្រកាសព័ត៌មាន បញ្ជាក់បន្ថែមពីគោលបំណងដែលតម្រូវឲ្យមានការដាក់ពាក្យស្នើសុំរៀបចំការប្រកួតកីឡាអេឡិចត្រូនិក មកកាន់សហព័ន្ធកីឡាអេឡិចត្រូនិកកម្ពុជា។
