នៅល្ងាច ថ្ងៃសុក្រ ​ទី១៧ ខែវិច្ឆិកា ឆ្នាំ២០២៣ ឯកឧត្តម លន់ សាមឌី អគ្គលេខាធិការ តំណាងឯកឧត្តម ជា ច័ន្ទបរិបូរណ៍ ប្រធានសហព័ន្ធ និងក្រុមកីឡាករជម្រើសជាតិកីឡាអេឡិចត្រូនិក អ្នកចម្បាំងអង្គរ (Angkor Warriors) បានចូលរួមក្នុងពិធីអបអរសាទរជោគជ័យ នៃការរៀបចំការ​ប្រកួត​កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែល​កម្ពុជាជាម្ចាស់ផ្ទះ ដែលរៀបចំធ្វើឡើងនៅពហុកីឡាដ្ឋានជាតិមរតកតេជោ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។

ក្នុងឱកាសនោះ ឯកឧត្តម លន់ សាមឌី ក៏បានឡើងទទួលនូវលិខិតថ្លែងអំណរគុណ របស់គណៈកម្មាធិការជាតិរៀបចំព្រឹត្តិការណ៍កីឡាអាស៊ីអាគ្នេយ៍ (CAMSOC) ពីសម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី នៃព្រះរាជាណាចក្រកម្ពុជា ផងដែរ។