នាព្រឹកថ្ងៃសៅរ៍ ទី៧ ខែតុលា ឆ្នាំ២០២៣ សហព័ន្ធកីឡាអេឡិចត្រូនិកកម្ពុជា បានរៀបចំសន្និបាតវិសាមញ្ញ អាណត្តិទី៣ (២០២២-២០២៦) របស់ខ្លួន ក្រោមអធិបតីភាព ឯកឧត្តម ជា ច័ន្ទបរិបូរណ៍ រដ្ឋលេខាធិការ ក្រសួងព័ត៌មាន និងជាប្រធានសហព័ន្ធកីឡាអេឡិចត្រូនិកកម្ពុជា  ឯកឧត្តម ណយ ផាណា អគ្គលេខាធិការរងគណៈកម្មាធិការជាតិអូឡាំពិកកម្ពុជា ឯកឧត្តម អ៊ុក ឌីវ៉ង់ អគ្គនាយករង អគ្គនាយកដ្ឋានកីឡា នៃក្រសួងអប់រំ យុវជន និងកីឡា ដោយមានការចូលរួមពីសមាជិកគណៈកម្មាធិការប្រតិបត្តិសហព័ន្ធ សមាជិកក្រុម និងក្លឹប អាជ្ញាកណ្តាល-ចៅក្រមរបស់សហព័ន្ធមួយចំនួនផងដែរ។

អង្គសន្និបាតវិសាមញ្ញ បានជជែកពិភាក្សាទៅលើប្រការមួយចំនួន និងបានអនុម័ត ធ្វើវិសោធនកម្មលក្ខន្តិកៈសហព័ន្ធក្នុងនោះបានប្រកាសតែងតាំងទីប្រឹក្សាជាន់ខ្ពស់ ១ រូប និងទីប្រឹក្សាចំនួន ៣ រូបផងដែរ៕