សហព័ន្ធ​កីឡា​អេឡិចត្រូនិក​កម្ពុជា (EFC) នឹង​បញ្ជូន​ក្រុម​តំណាង​កម្ពុជា​លើ​វិញ្ញាសា Honor of Kings ទៅ​ចូល​រួម​ប្រកួត​កីឡា​អេឡិចត្រូនិក​ជើងឯកចិន-អាស៊ាន (China-ASEAN Esports Competition ឆ្នាំ​២០២៤ ​នៅ​ប្រទេស​ចិន។

ព្រឹត្តិការណ៍​ប្រកួត​អន្តរជាតិ​ចិន-អាស៊ាន​នេះ​រៀបចំ​ឡើង​ដោយ​ សហព័ន្ធកីឡាអេឡិចត្រូនិកអាស៊ី ​ដែល​នឹង​រៀបចំ​នៅ​​ទីក្រុងណាននីង​ ប្រទេសចិន ដែល​មក​ពី​តំបន់​អាស៊ាន​ចូល​រួម​ជា​មួយ​ម្ចាស់​ផ្ទះ​ចិន។

ដើម្បី​បញ្ជូន​ក្រុម​តំណាង​កម្ពុជា​ទៅ​ចូល​រួម​ប្រកួត​បាន សហព័ន្ធ​កីឡា​អេឡិចត្រូនិក​កម្ពុជា​ធ្វើ​ការ​ប្រកួត​ជម្រុះ​ដើម្បី​ស្វែង​រក​ក្រុម​ជ័យលាភី។ ​ក្រុម​ចំនួន​៨ នឹងត្រូវ​ប្រកួត​គ្នា​ក្នុងវគ្គ​ជម្រុះ​នេះ ខណៈ​៤​ក្រុមបានឡើងទៅចាំនៅ​វគ្គ​៨​ក្រុមចុង​ក្រោយ បន្ទាប់ពីបានឈ្នះក្នុងការចាប់គូប្រកួត។

សូម​បញ្ជាក់​ថា ការប្រកួតនេះមិនមានការ​ផ្សាយផ្ទាល់នោះទេ។ លទ្ធផល​នៃ​ការប្រកួតនឹងផ្សាយជូននៅលើផេករបស់សហព័ន្ធកីឡាអេឡិចត្រូនិកកម្ពុជា។ សូម​បញ្ជាក់​​ថា ​ការប្រកួតជើង​ឯក​ China-ASEAN Esports Competition (CAEC) ​នៅ​ប្រទេសចិន ចាប់ពីថ្ងៃទី២៥ ដល់ថ្ងៃទី២៨ ខែកញ្ញា ឆ្នាំ២០២៤ ដោយ​​មាន​២​វិញ្ញាសា​គឺ​ Honor of Kings និង Mobile Legends: Bang Bang (China Version៕