សហព័ន្ធកីឡាអេឡិចត្រូនិកអន្តរជាតិ (IeSF) រៀបចំព្រឹត្តិការណ៍ប្រកួតពិភពលោក លើកទី១៦ (IESF World Esports Championship 2024) ចាប់ពីថ្ងៃទី១១ ដល់១៩ ខែវិច្ឆិកា ឆ្នាំ២០២៤ នៅទីក្រុងរីយ៉ាដ ប្រទេសអារ៉ាប៊ីសាអ៊ូឌីត។

សម្រាប់​​ព្រឹត្តិការណ៍ IESF World Esports Championship 2024 មាន៧វិញ្ញាសា ក្នុង​នោះ​៦​វិញ្ញាសា​ត្រូវ​ប្រកួត​ជម្រុះទើប​តំបន់-ទ្វីប​នីមួយ​ៗ​ទទួល​បានកៅអីឡើង​ទៅជុំ​ផ្តាច់​ព្រ័ត្រ។ ចំពោះវិញ្ញាសា E-Football ​មិនមាន​ការ​ប្រកួត​ជម្រុះ​ទេ​គឺកីឡាករណាដែលបានក្លាយជាជើងឯកប្រចាំប្រទេសរបស់ខ្លួននឹងទទួលបានកៅអីធ្វើដំណើរទៅជុំផ្តាច់ព្រ័ត្រ​តែ​ម្តង។

ការ​ប្រកួត​​ជម្រុះប្រចាំតំបន់អាស៊ី-អូសេអានី​មាន​កាលបរិច្ឆេទ និង​ចំនួន​កៅអី​ ​ដើម្បី​​​​ឡើង​ទៅ​ជុំ​ផ្តាច់​ព្រ័ត្រ នៅ​ប្រទេស​អារ៉ាប៊ីសាអ៊ូឌីត​ មាន​សេចក្តីលំអិត​ដូច​ខាង​ក្រោម៖

កាលបរិច្ឆេទជម្រុះ​តាម Online និង​ចំនួន​ឡើង​ទៅ​ជម្រុះ Offline

• វិញ្ញាសា MLBB (បុរស) ជម្រុះចាប់ពីថ្ងៃទី២២ ដល់ ទី២៥ ខែមិថុនា ឆ្នាំ២០២៤។ វិញ្ញាសា​នេះ​ជ្រើស​រើស​យក​ចំនួន​១៦​​ប្រទេស​ឡើង​ទៅ​ប្រកួត​ជម្រុះ Offline។
• វិញ្ញាសា MLBB (នារី) ជម្រុះចាប់ពីថ្ងៃទី២២ ដល់ ទី២៥ ខែមិថុនា ឆ្នាំ២០២៤។ វិញ្ញាសា​នេះ​ជ្រើស​រើស​យកចំនួន​៨​ប្រទេស​ឡើង​ទៅ​ប្រកួត​ជម្រុះ Offline។
• វិញ្ញាសា DOTA 2 ជម្រុះចាប់ពីថ្ងៃទី២៦ ដល់ ទី៣០ ខែមិថុនា ឆ្នាំ២០២៤។ វិញ្ញាសា​នេះ​ជ្រើស​រើស​យកចំនួន១៦​ប្រទេស​ទៅ​ប្រកួត​ជម្រុះ Offline។
• វិញ្ញាសា CS2 (បុរស) ជម្រុះចាប់ពីថ្ងៃទី១ ដល់ ទី៤ ខែកក្កដា ឆ្នាំ២០២៤។ វិញ្ញាសា​នេះ​ជ្រើស​រើស​យក​ចំនួន​១៦​ប្រទេស​ទៅ​ប្រកួត​ជម្រុះ Offline។
• វិញ្ញាសា CS2 (នារី) ជម្រុះចាប់ពីថ្ងៃទី៣ ដល់ ទី៥ ខែកក្កដា ឆ្នាំ២០២៤។ វិញ្ញាសា​នេះ​ជ្រើស​រើស​យក​៨​ប្រទេស​ទៅ​ប្រកួត​ជម្រុះ Offline។
• វិញ្ញាសា PUBG Mobile ជម្រុះចាប់ពីថ្ងៃទី៧ ដល់ ទី១០ ខែកក្កដា ឆ្នាំ២០២៤។  វិញ្ញាសា​នេះ​ប្រកួត​ជម្រុះ​តែ​តាម Online ប៉ុណ្ណោះ។

កាលបរិច្ឆេទជម្រុះតាម Offline និង​ចំនួន​កៅអី ជ្រើស​រើស​ទៅជុំផ្តាច់​ព្រ័ត្រ

• វិញ្ញាសា CS2 (បុរស) ជម្រុះចាប់ពីថ្ងៃទី៦ ដល់ ទី១៤ ខែកញ្ញា ឆ្នាំ២០២៤។ ជ្រើស​រើស​យកចំនួន​៥កៅអី ទៅជុំផ្តាច់ព្រ័ត្រ។
• វិញ្ញាសា CS2 (នារី) ជម្រុះចាប់ពីថ្ងៃទី៦ ដល់ ទី១៣ ខែកញ្ញា ឆ្នាំ២០២៤។ ជ្រើស​រើស​យក​ចំនួន​៣​កៅអី​ ទៅ​ជុំ​ផ្តាច់​ព្រ័ត្រ។
• វិញ្ញាសា DOTA 2 ជម្រុះចាប់ពីថ្ងៃទី៦ ដល់ ទី១៤ ខែកញ្ញា ឆ្នាំ២០២៤។ ជ្រើស​រើស​យក​ចំនួន​ចំនួន​៤កៅអី ទៅ​ជុំ​ផ្តាច់​ព្រ័ត្រ។
• វិញ្ញាសា MLBB (បុរស) ជម្រុះចាប់ពីថ្ងៃទី៦ ដល់ ទី១៤ ខែកញ្ញា ឆ្នាំ២០២៤។ ជ្រើស​រើស​យក​ចំនួន៥កៅអី ទៅ​ជុំ​ផ្តាច់​ព្រ័ត្រ។
• វិញ្ញាសា MLBB (នារី) ជម្រុះចាប់ពីថ្ងៃទី៩ ដល់ ទី១៣ ខែកញ្ញា ឆ្នាំ២០២៤។ ជ្រើស​រើស​យក​ចំនួន​៤កៅអី ទៅជុំ​ផ្តាច់​ព្រ័ត្រ។
• វិញ្ញាសា PUBG Mobile ​​ជម្រុះ​​តាម Online ប៉ុណ្ណោះ ជ្រើស​រើស​យក​ចំនួន​៤​​កៅអី​ឡើង​ទៅ​ជុំ​​ផ្តាច់​ព្រ័ត្រ​។
• វិញ្ញាសា E-Football គ្មាន​ជម្រុះប្រចាំតំបន់​ទេគឺយក​ចំនួន​៤០​រូប ឡើង​ទៅ​ជុំ​ផ្តាច់ព្រ័ត្រ។