សហព័ន្ធកីឡាអេឡិចត្រូនិកអន្តរជាតិ (IeSF) នឹងរៀបចំព្រឹត្តិការណ៍ប្រកួតពិភពលោក លើកទី១៦ (IESF World Esports Championship 2024) ចាប់ពីថ្ងៃទី១១ ដល់១៩ ខែវិច្ឆិកា ឆ្នាំ២០២៤ នៅទីក្រុងរីយ៉ាដ ប្រទេសអារ៉ាប៊ីសាអ៊ូឌីត។
ព្រឹត្តិការណ៍ IESF World Esports Championship 2024 មាន៧វិញ្ញាសា ដោយវិញ្ញាសាភាគច្រើនត្រូវប្រកួតជម្រុះប្រចាំតំបន់ និងទ្វីបរបស់ខ្លួនជាមុនសិនទើបទទួលបានកៅអីឡើងទៅជុំផ្តាច់ព្រ័ត្រនៅប្រទេសអារ៉ាប៊ីសាអ៊ូឌីត។ ទោះបីជាយ៉ាងណា ក្នុងចំណោមវិញ្ញាសាទាំងអស់មានតែ eFootball តែមួយគត់ដែលមិនចាំបាច់ជម្រុះប្រចាំតំបន់ពោលគឺកីឡាករណាដែលបានក្លាយជាជើងឯកប្រចាំប្រទេសរបស់ខ្លួននឹងទទួលបានកៅអីធ្វើដំណើរទៅជុំផ្តាច់ព្រ័ត្រដោយស្វ័យប្រវត្តិ។ ចំពោះវិញ្ញាសា PUBG Mobile ជម្រុះតែតាម Online ប៉ុណ្ណោះ។
ការប្រកួតជម្រុះប្រចាំតំបន់ និងទ្វីបត្រូវបានធ្វើឡើងពីរដំណាក់កាលគឺ ដំណាក់កាល Online និងដំណាក់កាល Offline។ ខាងក្រោមជាកាលបរិច្ឆេទនៃការប្រកួតជម្រុះទាំងពីរដំណាក់កាលប្រចាំទ្វីបអាស៊ី និងអូសេអានី។
ដំណាក់កាល Online
- វិញ្ញាសា MLBB (បុរស) ជម្រុះចាប់ពីថ្ងៃទី២២ ដល់ ទី២៥ ខែមិថុនា ឆ្នាំ២០២៤
- វិញ្ញាសា MLBB (នារី) ជម្រុះចាប់ពីថ្ងៃទី២២ ដល់ ទី២៥ ខែមិថុនា ឆ្នាំ២០២៤
- វិញ្ញាសា DOTA 2 ជម្រុះចាប់ពីថ្ងៃទី២៦ ដល់ ទី៣០ ខែមិថុនា ឆ្នាំ២០២៤
- វិញ្ញាសា CS2 (បុរស) ជម្រុះចាប់ពីថ្ងៃទី១ ដល់ ទី៤ ខែកក្កដា ឆ្នាំ២០២៤
- វិញ្ញាសា CS2 (នារី) ជម្រុះចាប់ពីថ្ងៃទី៣ ដល់ ទី៥ ខែកក្កដា ឆ្នាំ២០២៤
- វិញ្ញាសា PUBG Mobile ជម្រុះចាប់ពីថ្ងៃទី៧ ដល់ ទី១០ ខែកក្កដា ឆ្នាំ២០២៤
ដំណាក់កាល Offline
- វិញ្ញាសា CS2 (បុរស) ជម្រុះចាប់ពីថ្ងៃទី៦ ដល់ ទី១៤ ខែកញ្ញា ឆ្នាំ២០២៤
- វិញ្ញាសា CS2 (នារី) ជម្រុះចាប់ពីថ្ងៃទី៦ ដល់ ទី១៣ ខែកញ្ញា ឆ្នាំ២០២៤
- វិញ្ញាសា DOTA 2 ជម្រុះចាប់ពីថ្ងៃទី៦ ដល់ ទី១៤ ខែកញ្ញា ឆ្នាំ២០២៤
- វិញ្ញាសា MLBB (បុរស) ជម្រុះចាប់ពីថ្ងៃទី៦ ដល់ ទី១៤ ខែកញ្ញា ឆ្នាំ២០២៤
- វិញ្ញាសា MLBB (នារី) ជម្រុះចាប់ពីថ្ងៃទី៩ ដល់ ទី១៣ ខែកញ្ញា ឆ្នាំ២០២៤
សេចក្តីប្រកាសព័ត៌មាន បញ្ជាក់បន្ថែមពីគោលបំណងដែលតម្រូវឲ្យមានការដាក់ពាក្យស្នើសុំរៀបចំការប្រកួតកីឡាអេឡិចត្រូនិក មកកាន់សហព័ន្ធកីឡាអេឡិចត្រូនិកកម្ពុជា។
សហព័ន្ធកីឡាអេឡិចត្រូនិកម្ពុជា (EFC) ប្រឆាំងនឹងការសម្រេចរបស់គណៈកម្មការរៀបចំការប្រកួតពានរង្វាន់ MSC 2024 នៅប្រទេសអារ៉ាប៊ីសាអ៊ូឌីត
ក្រុមជម្រើសជាតិកម្ពុជា និង មីយ៉ាន់ម៉ា បានឡើងទៅកាន់វគ្គពាក់កណ្តាលផ្តាច់ព្រ័ត្រដូចគ្នា ដែលក្រុមមីយ៉ាន់ម៉ា ប៉ះក្រុមលេខ២ក្នុងពូល B គឺ ឥណ្ឌូណេស៊ី
ក្រុមកីឡាការិនី CFU Serendipity លើវិញ្ញាសា Mobile Legends: Bang Bang បានឡើងទៅកាន់វគ្គពាក់កណ្តាលផ្តាច់ព្រ័ត្រហើយ
