សហព័ន្ធកីឡាអេឡិចត្រូនិកកម្ពុជាបានបើកវគ្គបណ្តុះបណ្តាលក្រុមអ្នកចូលរួមស្ម័គ្រចិត្តកាលពីថ្ងៃទី១០ ខែមេសា ឆ្នាំ២០២៤ នៅទីស្នាក់ការគណៈកម្មាធិការជាតិអូឡាំពិកកម្ពុជា។
វគ្គបណ្តុះបណ្តាលក្រោមអធិបតីភាពឯកឧត្តម លន់ សាមឌី អគ្គលេខាធិការសហព័ន្ធកីឡាអេឡិចត្រូនិកកម្ពុជាដែលមានអ្នកស្ម័គ្រចិត្តប្រមាណ១០នាក់ កាលពីថ្ងៃទី១០ ខែមេសា ឆ្នាំ២០២៤ នៅទីស្នាក់ការគណៈកម្មាធិការជាតិអូឡាំពិកកម្ពុជា។
គោលបំណងនៃការបើកវគ្គបណ្តុះបណ្តាលនេះគឺដើម្បីឲ្យអ្នកស្ម័គ្រចិត្តទទួលបានចំណេះដឹង ជំនាញ និងបទពិសោធដើម្បីចូលរួមរៀបចំព្រឹត្តិការណ៍ប្រកួតជម្រុះជើងឯកពិភពលលោក លើកទី១៦ ឆ្នាំ២០២៤ (IESF 16th World Esports Championship Riyahd 2024) និងការប្រកួតនានា។ ជាពិសេសផ្តោតលើជំនាញអត្ថាធិប្បាយរបស់ពិធីករ ពិធីការិនី ការចូលរួមផ្សព្វផ្សាយ ការងារសម្របសម្រួល និងជំនួយកិច្ចការបច្ចេកទេសជាដើម។ សហព័ន្ធកីឡាអេឡិចត្រូនិកកម្ពុជានឹងបន្តបើកវគ្គបណ្តុះបណ្តាលបន្ថែមទៀត៕
ក្រុមកីឡាអេឡិចត្រូនិកកម្ពុជា Team SV X បានក្លាយជាម្ចាស់ជើងឯកក្នុងការប្រកួតជម្រុះថ្នាក់ជាតិលើវិញ្ញាសា Honor of Kings
សហព័ន្ធកីឡាអេឡិចត្រូនិកកម្ពុជាបានបញ្ចប់វគ្គជម្រើសរើសកីឡាករតំណាងកម្ពុជាដើម្បីទៅចូលរួមប្រកួតពានរង្វាន់អន្តរជាតិ IFel Southeast Asia
សហព័ន្ធកីឡាអេឡិចត្រូនិកកម្ពុជានឹងបញ្ជូនក្រុមតំណាងកម្ពុជាលើវិញ្ញាសា Honor of Kings ទៅចូលរួមប្រកួតកីឡាអេឡិចត្រូនិកជើងឯកចិន-អាស៊ាន
ព្រឹត្តិការណ៍ប្រកួតអន្តរជាតិចិន-អាស៊ាននេះរៀបចំឡើងដោយ សហព័ន្ធកីឡាអេឡិចត្រូនិកអាស៊ី ដែលនឹងរៀបចំនៅទីក្រុងណាននីង ប្រទេសចិន ដែលមកពីតំបន់អាស៊ានចូលរួមជាមួយម្ចាស់ផ្ទះចិន។
