សហព័ន្ធកីឡាអេឡិចត្រូនិកកម្ពុជា (EFC) មានកិត្តិយសូមជំរាបជូនដល់មហាគ្រួសារកីឡាអេឡិចត្រូនិក និងមហាជនជ្រាបថា សហព័ន្ធកីឡាអេឡិចត្រូនិកកម្ពុជាត្រូវបានទទួលស្គាល់ជាសមាជិកពេញសិទ្ធិរបស់សហព័ន្ធកីឡាអេឡិចត្រូនិកសកល (Global Esports Federation) ចាប់ពីខែកុម្ភៈ ឆ្នាំ២០២៤តទៅ។
ការក្លាយជាសមាជិកពេញសិទ្ធិនេះ ភាគីទាំងពីរប្តេជ្ញាចិត្តធ្វើការរួមគ្នាក្នុងស្មារតីកិច្ចសហប្រតិបត្តិការ ការឧបត្ថម្ភគាំទ្រ និងការអភិវឌ្ឍកីឡាអេឡិចត្រូនិកឲ្យរីកចម្រើនទាំងនៅប្រទេសកម្ពុជា និងសាកលលោក។
សូមបញ្ជាក់ថា សហព័ន្ធកីឡាអេឡិចត្រូនិកកម្ពុជាគឺជាស្ថាប័នកីឡាតែមួយគត់ដែលគ្រប់គ្រង ជំរុញ ផ្សព្វផ្សាយ និងអភិវឌ្ឍកីឡា Esports នៅក្នុងប្រទេសកម្ពុជាដែលទទួលស្គាល់ជាផ្លូវការដោយគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា។ សហព័ន្ធ EFC ក៏ជាសមាជិកពេញសិទ្ធិរបស់សហព័ន្ធកីឡាអេឡិចត្រូនិកអាស៊ីអាគ្នេយ៍ សហព័ន្ធកីឡាអេឡិចត្រូនិកអាស៊ី និងសហព័ន្ធកីឡាអេឡិចត្រូនិកអន្តរជាតិ៕
ក្រុមកីឡាអេឡិចត្រូនិកកម្ពុជា Team SV X បានក្លាយជាម្ចាស់ជើងឯកក្នុងការប្រកួតជម្រុះថ្នាក់ជាតិលើវិញ្ញាសា Honor of Kings
សហព័ន្ធកីឡាអេឡិចត្រូនិកកម្ពុជាបានបញ្ចប់វគ្គជម្រើសរើសកីឡាករតំណាងកម្ពុជាដើម្បីទៅចូលរួមប្រកួតពានរង្វាន់អន្តរជាតិ IFel Southeast Asia
សហព័ន្ធកីឡាអេឡិចត្រូនិកកម្ពុជានឹងបញ្ជូនក្រុមតំណាងកម្ពុជាលើវិញ្ញាសា Honor of Kings ទៅចូលរួមប្រកួតកីឡាអេឡិចត្រូនិកជើងឯកចិន-អាស៊ាន
ព្រឹត្តិការណ៍ប្រកួតអន្តរជាតិចិន-អាស៊ាននេះរៀបចំឡើងដោយ សហព័ន្ធកីឡាអេឡិចត្រូនិកអាស៊ី ដែលនឹងរៀបចំនៅទីក្រុងណាននីង ប្រទេសចិន ដែលមកពីតំបន់អាស៊ានចូលរួមជាមួយម្ចាស់ផ្ទះចិន។
